Nocturne

Ógnvaldur hinn krúttlegi

2008-10-14T09:01:00.000-07:00

Þegar við Björg fluttum úr Breiðholtinu í Árbæinn ákváðum við að fá okkur kött, þar sem við erum báðar miklar kattavinkonur. Kötturinn sem varð fyrir valinu var hinn tignarmikli Ógnvaldur sem, þrátt fyrir að bera nafnið Ógnvaldur og að vera stærsti kötturinn sem við fundum í Kattholti, sýndi fljótlega að hann er óttalega feiminn í sér og viðkvæm sál.
Og þrátt fyrir að hann sé dekraðasti köttur landsins, hvað get ég gert við því? Ég knúsa hann og hrósa honum alltaf þegar hann er duglegur, eins og gott foreldri, varla er það mér að kenna að yfir daginn takast honum mörg afrek eins og að Klára Allann Matinn Sinn, Gera Sitt Í Sandkassann, Vera Duglegur Að Ná Dótamúsinni og Að Hoppa Upp Á Borð Alveg sjálfur.
Þegar við fengum hann settum við búrið hans á gólfið og opnuðum dyrnar, og bjuggumst við því að hann færi að kanna umhverfið. En hann lá þar sem fastast í nokkra klukkutíma, þar til við helltum greyinu úr búrinu því við þurftum að skila því. Þá sat hann sem fastast þar sem búrið hafði verið, en borðaði og drakk ef hann þurfti ekki að færa sig. Eftir að Ógnvaldur hafði borðað fylli sína reyndi ég að leika við hann með rándýru kattaleikfangi (bungee mouse!) og honum varð svo mikið um að hann flúði undir rúmið hennar Bjargar. Þar var hann í rúman sólarhring, eða þar til að við ákváðum að þetta gengi ekki lengur og snérum rúminu upp á rönd. Þá hélt hann sig undir kommóðu í nokkra tíma, en hreiðraði svo um sig í eldhússkáp, og þar sefur hann enn allar nætur.
Ég læri í rúminu mínu (mér finnst skrifborðið mitt ógnvekjandi) og þegar ég sit hér með bók eða tölvu kemur kötturinn uppí og leggst á lyklaborðið/bókina. Hann hangir þar þó ekki lengi, því þegar ég byrja að klappa honum verður hann svo hamingjusamur að hann veltir sér um allt rúm, malandi eins og saumavél þar til hann dettur framúr. Hann gleymir því alltaf að rúmið er ekki endalaust, og verður mjög móðgaður þegar rúmið færir sig ekki svo hann geti velt sér almennilega um af ánægju. Ég sver það, hann fór í kollhnís af gleði áðan, þegar ég klóraði honum á bak við eyrun.
En nóg um það. Ég geri mér grein fyrir því að fólk nennir ekki að lesa endalaust um köttinnn, þó hann sé allra katta yndislegastur og fullkominn í alla staði.

Já, það eru ár og öld síðan ég bloggaði

2008-10-06T09:18:00.001-07:00

En mér til varnar þá hefur lítið gerst.
Ok, ok, ég flutti tvisvar, eignaðist kött, útskrifaðist úr Kvennó og hóf nám í sálfræði, en að öðru leyti hefur ekkert gerst.
Ó, ég gerði kattarmynd. Hún er þarna einhversstaðar.
Umm....
Ég var að lesa frétt á mbl.is þar sem af framboði var skrifað í einu orði, og ég var lengi að velta því fyrir mér hvað afframboði væri. Silly me...

2008-06-03T17:28:00.000-07:00

anchovies anchovies you're so delicious
I love you more than all the other fishes!

Guð forði mér frá Mississippi

2008-02-14T17:36:00.000-08:00

Þeir sem þekkja mig vita að ég hef nýlega pirrast óendanlega yfir þeirri tillögu að það sé verið að reyna að setja lög sem banna fólki sem er of feitt að borða á veitingastöðum í Mississippi.
En Guð minn almáttugur:
Í Mississippi getur þú keypt byssu án þess að nokkur kíkji á sakaskrána þína, en titrarar eru bannaðir. Þetta eru snillingar, allir saman.

via

kisi kis

2008-02-14T17:28:00.000-08:00

Kötturinn minn er í rúminu mínu að ráðast á koddann minn. Hann stökk áðan á tærnar á mér, en ég er sneggri en hann. Hehe.

Vísindaleg spurning

2008-02-04T04:18:00.000-08:00

Ég þarf að skrifa tveggja blaðsíðna ritgerð á frönsku um fyrri heimsstyrjöldina. Ég hef skrifað alveg heil 224 orð um þetta efni. Því set ég fram eftirfarandi vísindalegu spurningu, í fimm þáttum:

A) Hveru stórar þarf ég að gera spássíurnar til að fá þessi orð til að teygjast yfir 2 blaðsíður (1 og 1/2 línubil)?

B) Skyldi Grétar frönskukennari taka eftir því að "ritgerðin" mín er örmjór ormur sem strekkist eftir blaðsíðum með spássíum sem eru svo breiðar að hægt væri að lenda flugvél á þeim án tiltakanlegra vandræða?

C) Er yfirleitt mögulegt að skrifa 2 blaðsíðum um fyrri heimsstyrjöldina?

D) Hefur einhver gert það?

E) Af hverju?

Gleðileg Jól

2007-12-27T09:13:00.000-08:00

...og farsælt komandi ár!

Femínismi drap neanderthalsmennina

2007-11-11T17:50:00.000-08:00

Ef bara okkur tækist að gera það aftur.

Ef þið lesið fréttina hér að ofan, þá vitið þið það. Femínismi gerir tegundir útdauðar.
Við ættum að hætta þessu undir eins. Til að bjarga tegundinni.

í vinnunni

2007-10-06T12:44:00.000-07:00

ég er í vinnunni. ég stend og sný baki í barinn, og beint fyrir ofan tölvuna eru Greenall's London Dry Gin, Bombay Sapphire Distilled London Gin, Stolichanaya vodka og Svedka imported swedish vodka, Captain Morgan original spiced rum....og svo framvegis.

Lítið er að frétta annars. Það er einhver að bíða eftir afgreiðslu, en mér er nokk sama...nei, ég fór að afgreiða.

Vinnan mín er rosalega fín. Ég kann vel við mig hér, mun betur en á Aktu Taktu allavega. Kúnnarnir hér eru fyndnari. Mér líður vel.

Otrar eru krúttlegir

Breaking news

2007-09-14T06:53:00.000-07:00

Will this lower his grade?

Criminal Mastermind of the week

The runner-up

Important Science

OF COURSE it was in Russia.

Sometimes you just have to make do

ARRRRRRRRRRR

Also, we have the soundtrack of ~~my life~~ my day

Stress

2007-09-07T06:11:00.000-07:00

Ég veit ekki hvenær ég tók þá ákvörðun að standa mig vel í skólanum þetta árið. Það er reyndar ekkert óvenjulegt, því ég hef ákveðið þetta í byrjun hvers einasta skólaárs. Ég hef bara aldrei staðið við það - fyrr en núna. Og ég er ekki að fíla það alltof vel; það að leggja mig alla fram í verkefnaskilum(100%!) og mætingu (100%líka!) er gífurlega stressandi. Ég fæ martraðir þar sem ég mæti of seint í tíma. Og þá er skyndipróf. Það er bara ekki að ganga.
Ég íhuga að hætta í vinnuni til að hafa meiri tíma fyrir skólann.
Þetta er ekki líkt mér.
Ekki einungis man ég hvað ég á að læra fyrir alla tímana mína, ég læri langt fram í tímann í verkefnum sem ég hef áhuga á.
Þetta er heldur ekki líkt mér.
Ég er alltaf stressuð. Ég hef ekki nægan tíma. Ég hef ekki horft á einn einasta sjónvarpsþátt í mánuð.
Ég hef það á tilfinningunni að þessi nýtilkomni metnaður eigi ekki eftir að endast mjög lengi, en samt...Þegar ég er með 100% mætingu get ég ekki hugsað mér að skemma hana með því að mæta of seint, eða alls ekki. En við sjáum til. Ég er farin að læra.

PS: Stúdentsritgerðin mín er um jólin, neyslu og skammdegisþunglyndi tengu þeim. Ef þið hafið góðar hugmyndir, endilega látið mig vita :)

Vinir og vandamenn, börn og barnabarnabörn...

2007-05-06T02:28:00.001-07:00

Mamma, Pabbi og Drífa
Thid fáid knús, af thví ad thid erud aedi
ég elska ykkur ótrúlega mikid og ég hlakka til ad sjá ykkur aftur

Anna Margrét, Anna Margrét, Björg, Ester, Gyda, Hugrún Lilja, og fleiri vinkonur (já, ég meina thig!)
ykkur líka

Mér efst í huga

2007-04-15T20:19:00.000-07:00

thad er 16 apríl, og ég hef verid í Brasilíu í 255 daga, og ég kem heim eftir 76.
Thetta er í fyrsta sinn sem seinni talan virdist of lág.
Núna finnst mér skríti tilhugsun ad ganga ekki inni á skónum. Ad fara ekki í skólann í skólabúningi. Ad fá ekki hrísgjrjón og baunir med öllum mat. Ad hafa lítinn tíma. Ad vinna. Ad vera ekki sérstök eda áhugaverd af thví ad ég er útlensk og raudhaerd. Ad thad ad lesa heila bók sé ekkert óvenjulegt.
Ég hlakka líka til; thad er margt sem ég sakna frá Íslandi, jafnt fólk sem hlutir, sidir eda matur.
En thessi póstur er ekki um thad.

Ég mundi um daginn eftir félagsfraeditíma í fyrra, ég man ekki hvenaer hann var, en thá var talad um femínisma.
Ég segi núna stolt: ég er femínisti. Thetta er játning, og ég segi thetta í sma tón og ég myndi segja "ég er alki" eda "ég er samkynhneigd" thví ad, ef daema má af tóninum í umraedum bekkjarins, thá er thetta ekki eftirsóknarvert. Ekki gott. Femínistar voru, thennan dag, daemdir sem vaelukjóar, karlahatandi og eiginlega tilgangslausir, thví ad samkvaemt gódri vinkonu minni sem lét skodanir sínar heyrdar thann dag höfum vid nád jafnrétti og ekkert meira ad gera.
Launamunurinn er af thví ad vid bidjum ekki um haerri laun, og bara thessvegna, sagdi hún.
Ég sagdi ekki mikid thennan dag, thví ad thó ad ég sé femínisti, og var thad líka thá thá vissi ég ekki hvad ég aetti ad segja. Launamunurinn er thad sem kemur mest fram, allavega hjá okkur sem erum svo heppnar ad hafa faedst á Íslandi. Anti-naudganabaráttán hjá femínistafélaginu kom líka upp, og var daemd sem vonlaus. Af hverju ad reyna? Haetta naudgararnir bara vid ef their sjá karlmann í "nei" bol?
Klámvaeding hvad? Thad er mitt val ad klaedast í minipilsi og magabol, og thad er einginn ad hóta dönsurunum í rappmyndböndunum til ad hrista rassin í myndavélina!
Ég hefdi getad sagt eitthvad um gífurlega stutta dóma fyrir naudganir, en mér datt thad bara ekki í hug.

Svo ég aetla ad segja nokkra hluti núna
Thad eru, enn thann dag í dag, 22 lönd í heiminum thar sem konur thurfa leyfi frá födur sínum eda eiginmanni til ad fá vegabréf eda ferdast.
Í tölum frá sameinudu thjódunum árid 2001 kemur fram ad "í heimunum, eru 51 prósent konur, thaer gera 66 prósent vinnunnar, fá 10 prósent af laununum og eiga minna en eitt prósent af fasteignunum."
Frábaert.

Umskurdur(Afríka og Asía), heimilsofbeldi(allstadar), mannsal á konum og ungum stúlkum til vaendis(sudur ameríka, austur evrópa), naudgun sem strídsvopn(Afríka, ádur asía), nýfaeddar stelpur bornar út thví ad foreldrarnir vildi strák(kína, indland) Ofbeldi vegna of lítils heimanmunds(Indland, Bangladesh) Naudgun (allstadar) kynferdisáreitni(allstadar) vaendi(allstadar) Ofbeldi gegn flóttakonum(Afríka, midausturlönd), skylduhjónabönd(Indland, Kína, mid-austurlönd, Afríka barnbrúdir(stúlkur sem eru giftar án sammthykkis theirra, oft til miklu eldri manna)
Ad ekki sé minnst á thad ad núna eru um 9% thingmanna heimsins kvenkyns, fóstureyding er ólögleg vída (til daemis hér í Brasilíu, en thrátt fyrir thad eru 200.000 konur sem leita sér laeknishjálpar árlega vegna vandamála sem stafa af ólöglegum fóstureydingum)

Thegar ekkert af thessu er til lengur thá skal ég glöd segja ad jafnrétti sé nád.

Meira um vandamálin hér ad ofan er ad finna hjá:
Amnesty International
Sameinudu thjódunum
Human Rights Watch/
Coalition against trafficking of women
MWC

..sjö mánudum seinna

2007-03-15T09:22:00.000-07:00

Thegar ég segi "bídid spennt" thá meina ég ekki ad thid eigid ad bída spennt. Thannig séd. Ég meina, audvitad, ad thid eigid ad stofna sértrúarsöfnud og fara ad tilbidja mig.
Thetta var grín. Thad vaeri skrýtid.
Mamma mín á afmaeli í dag, og hún er aedi, svo ég aetla ad senda henni afmaelisknús og kossa, og hvet alla (báda?) lesendur til ad gera slíkt hid sama.
Annars er lítid í fréttum.
Nei, thetta er helber lygi. Thad hefur heilmikid gerst undanfarna 7 mánudi, ég nenni bara ekki ad skrifa um thá.
Ég aetla ad reyna ad setja meira upp brádum,
Bjarney

2006-08-02T17:24:00.000-07:00

Fer á morgun, fylgist spennt með.

I know it's been a while guys, but...

2006-07-24T18:50:00.000-07:00

Ættað frá Gyðu:

Step 1;; Put your MP3 player or whatever on random.

Step 2;; Post the first line from the first 20 songs that play, no matter how embarrassing the song.

Step 3;; Post and let everyone you know guess what song and artist the lines come from.

Step 4;; Strike out the songs when someone guesses correctly.

Step 5;; Looking them up on the internet is CHEATING

1. ~~I lived my life in shadow, never the sun on my face~~
2. bounce come on bounce, bounce come on bounce
3. Quiet now in sleepy dreams
4. She wants to make some wings (perhaps to fly away)
5. There are twelve hours, there's a day between us
6. I know you want me, I know you do
7. In the walls of Tokyo, down in London town's a go-go
8. Another head hangs lowly
9. In the town where I was born lived a man who sailed to sea
10. Whar do you do with a BA in English?!
11. Avalanche is sullen and too thin, she starves herself to rid herself of sin
12. You know I don't know what it is but something about you is so irresistible
13. ~~What does that whispy little brat have that you don't?~~
14. A few questions that I need to know
15. It'll all click when the mortgage clears
16. ~~Why'd you run away, dontcha like my style?~~
17. ~~C minor, put it in c minor~~
18. Little girl with the press and curl
20. If god had a name, what would it be?

elskið mig

2006-04-24T15:19:00.000-07:00

Þar sem að fólk er enn og aftur farið að grátbiðja um uppfærslur (kommentiði þá!) hef ég ákveðið að skrifa stuttar skilgreiningar á hverju fagi fyrir sig fyrir þá sem eru ekki vissir um hvað fög þeir eiga að velja. Þetta geri ég ykkur öllum til ánægju og yndisauka.

Af því að ég er æði.

ÍSLENSKA:

Íslenskutímar ganga út á það að skrifa ritgerðir og eða taka próf úr löngum bókum sem þú hefur lesið litla búta úr í frímínútunum fyrir tímann. Góð leið til að standa sig vel í íslensku er að skrifa fallega og snyrtilega, og passa að vera alltaf sammála kennaranum.

Ef að þú ert í sömu aðstöðu og ég og skrifar örlítið verr en flóðhestur myndi gera og hlustar aldrei nógu vel á kennarann til að vita nákvæmlega hverju þú ert sammála er gott að fara eftir þriðju íslenskureglunni, sem er: Aldrei skrifa neitt sem nokkur heilvita manneskja gæti verið sammála. Við skulum taka bókina Sjálfstætt fólk sem dæmi: í öllum þeim kennslustundum sem að þú hefur mætt í hefur verið talað um Bjart í Sumarhúsum sem geðvondan afdalabónda og í bókinni er minnst á það að hann sé bóndi gróflega ellefu þúsund sinnum. Þegar kemur að prófi segir *Þú* að Bjartur sé táknmynd Halldórs fyrir a) föður sinn eða b) íslenska alþýðu eða hugsanlega c) Írska/Íslenska/Franska lýðveldið. Kennaranum þínum, sem er orðinn hundleiður á því að fara yfir próf og fannst Sjálfstætt fólk aldrei það góð bók til að byrja með mun finnnast þú vera gífurlega frumleg(ur) og gefa þér 10. Veldu íslensku ef þú getur reglulega hugsað upp geðveikislegar útskýringar á einföldum (en oft á tíðum leiðinlegum) sögum.

ENSKA:

Allt sem þú þurftir að kunna í ensku var þér kennt í sjöunda og áttunda bekk. Grafðu upp gömlu glósurnar þínar og þú ert á grænni grein, því að enskukennarar hafa fyrir löngu gefist upp á því að kenna nemendum eitthvað nýtt.

Ef þú vilt ganga í augun á enskukennaranum þínum skaltu læra þrjú ný orð, (helst fjögur atkvæði eða meira) árlega (lesist: Daginn fyrir vorpróf) og notaðu þau í prófinu. Stöðugt.

FRANSKA:

Frönskukennarar eru almennt hrifnir af ljósritum. Talið er að 70% af öllum ljósritum til eru hafi verið gerð af frönskukennurum, og ein algengasta orsök dauða meðal frönskunema er köfnun í ljósritum. Góð leið til að fá háa einkunn í frönsku er að grafa í ljósritastaflanum (munið að leðurhanskar veita góða vörn gegn pappírsskurðum) þar til þið finnið blað sem er vel merkt sem ORÐALISTI. Þetta er vandlega ljósritað, oft í tví-eða þríriti, á hlið. Lærðu þetta blað utanað, það er ekki erfiðinsins virði að læra restina. Lærið einnig eftirfarandi orð: Comment? Pourquoi? Qui? Que? Q’uest-ce-que?

Því að virkilega illgjarnir kennarar prófspurningarnar á frönsku.

JARÐFRÆÐI:

Burtséð frá því hvaða braut þú velur er afar líklegt að þú verðir látin/nn fara í jarðfræði. (Ef þú ert á náttúrufræðibraut varstu að biðja um það, brautvillingurinn þinn)

Jarðfræði er á námsskránni eingöngu til að valda nemendum erfiðleikum. Góðu fréttirnar eru þær að þú kemst líklega upp með fall í jarðfræði, sértu ekki á náttúrufræðibraut.

En þá áttu líka allt illt skilið.

ÞÝSKA: Þýskunemar halda því gjarnan fram að þýska sé allra mála þýðast og fríðast, og að málfræðin taki öllu fram í einfaldleika og öðrum jákvæðum hlutum.

Þetta er helber lygi. Þýska hljómar eins og feiminn manneskja sem hefur gleypt geðillan hrafn að reyna að hósta honum upp, hrafninum til mikils ama. Þýskulærdómur er þar að auki tilgangslaus með öllu, þar sem flestir íbúar Þýskalands tala betri ensku en meðalBretinn, og eru fúsir til að segja þér til vegar og spyrja hvernig þér finnist í fríinu á ástkærri, ylhýrri enskunni.

FÉLAGSFRÆÐI:

Tilgangur félagsfræðikennslu í framhaldsskólum er enn sem komið er óljós, en líklegt má telja að einhver hafi bara viljað hífa meðaleinkun málabrautarnema aðeins ofar, eftir hina gífurlegu dýfu sem þær(einkunnirnar) tóku þegar jarðfræði var kynnt til sögunnar.

Félagsfræði getur verið áhugaverð ef það er farið rétt að henni, en viljir þú losna við allann þann áhuga sem þú gætir hugsanlega haft á félagsfræði skaltu lesa u.þ.b. 3 kafla í bókinni og glósa þá.

LÍFFRÆÐI:

Virðist tengjast frumum, vöðvum og þráðormum á einhvern hátt.

Bíðið spennt eftir: Sögu, Dönsku, Íþróttum, Sálfræði, Tölfræði, Eðlis-og Efnafræði og Stærðfræði!

Heppni

2006-03-07T12:32:00.000-08:00

Sú fullyrðing mín að ég sé heppnasta manneskja í heimi var dregin í efa í dag, og af þeim ástæðum hef ég ákveðið að fara í gegnum einn dag í lífi mínu og benda á hversu heppin ég er.
*hehemm*
Í morgun vaknaði ég - og það eitt að ég skildi ekki hafa kafnað um nóttina, eða fengið svefnsýki og sofið áfram er fagnaðarefni, fyrir mig að minnsta kosti - fimm mínútum áður er vekjaraklukkan í tölvunni minni fór í gang. Þetta þýðir að ég fékk að eyða 5 dásamlegum, hlýjum og mjúkum mínútum í rúminu mínu áður en bítlarnir vöktu mig með hinu síglida lagi Yellow Submarine.
We all live in a yellow submarine, yellow submarine, yellow submarine....
Hvernig er hægt annað en að vera hamingjusamur þegar dagurinn byrjar svona yndislega?
Lukkan sýndi sig um leið og ég stökk framúr, því ég steig ekki á neitt brothætt eða nokkuð sem hefði getað skaðað mig varanlega, heldur var það ein vesæl og villt teiknibóla sem sökkti sér í hælinn á mér.
Ég er svo fegin að þetta var ekki nagli.
Eftir að hafa klætt mig við ljúfa tóna sem tölvan mín sá mér fyrir rauk ég út í strætó - og aftur sýndi heppnin sig, því að þrátt fyrir ansi mikla rigningu var ekki þrumuveður, og var ég því örugg fyrir eldingum, sem hefðu vafalaust gert mig óvinnu- og skólafæra þann daginn. Ennfremur datt ég ekki og rotaðist við árangurslaus hlaup mín á eftir strætisvagninum, og ég missti ekki töskuna mína fyrir bíl sem hefði kramið fartölvuna mína, og tel ég það merki um að dagurinn muni halda áfram að ganga mér í hag.
Að vísu gæti það að ég gleymdi lyklunum, og þurfti þessvegna að standa úti í rigningunni í 30 mínútur meðan ég beið eftir næsta vagni talist sem óheppni, en það má telja til eigin afglapa, auk þess sem að ég mundi loksins efir ipodinum mínum(Hér eftir þekktur sem Kisi) sem ég hef lengi ætlað með í viðgerð.
Næsti strætó kom svo, nokkuð á eftir áætlun, og það er til marks um hvað þetta var í rauninni góður dagur að hann keyrði hvorki yfir mig né framhjá mér, heldur stoppaði og hleypti mér inn gegn því einu að ég sýndi strætókortið mitt! Lítil áreynsla fyrir langan akstur. Ég tók svo tal við bílstjórann, og komst að því að nú er búið að breyta strætóleiðinni, og það mér í hag. Eða, það væri mér í hag ef ég væri ekki flutt. Þetta styttir gönguna í næsta strætóskýli um heilan kílómetra! Eða hefði gert það, væri ég ekki flutt.
En ef ég vil einhverntímann skoða gamla húsið mitt þarf ég styttra að labba!
Þar að auki á að fara byggja strætóskýli á núverandi stoppistöðinni minni, þannig að næst þegar ég læsist úti get ég verið þurr. Ég er strax farin að hlakka til.
Það eina sem telja má til sem óheppni við þessa strætóferð er að sökum þess að strætóbílstjórinn ruglaðist aðeins á nýju leiðinni og þeirri gömlu, og missti ég af s1, strætónum sem ég tek úr Garðabæ og upp í skóla.
Á hinn bóginn var það sennilega mér að kenna að greyið maðurinn ruglaðist, þar sem ég var að trufla vagnstjóra í akstri. (Núna er skiltagerðamaður einhverstaðar að syngja "Tooooold you so! But did you listen? No! Bow to my awesome skiltmaking powers!"
Á hinn hinn bóginn var það að hluta til heppni fyrir mig, því að ég gat nýtt tímann sem ég beið til þess að þurrka jakkann minn undir handþurrkunni í Aktu Taktu, sem gaf mér ekki banvænt raflost eða kveikti í jakkanum mínum, og þar að auki leyfði indæla afgreiðsludaman mér að sitja þar inni og setja félagsfræðiverkefnið upp í fartölvunni, sem tók enga stund því að Björg, Gyða og ég vorum svo duglegar að skrifa spurningarnar fyrir á þriðjudaginn. Ég er svo stolt af okkur.
Að vísu gleymdi ég blaðinu með verkefninu heima (sennilega hjá lyklunum o.O) og varð þessvegna að skrifa það eftir minni, en aftur á móti minnkaði það áhættuna á pappírsskurðum um 100%.
Ég kom loks í íslenskutímann minn eftir áfallalausa strætóferð, heilum 36 mín. of seint, og var eiginlega búin að missa af Sjálfstætt fólk prófinu, en Halla var svo yndisleg að leyfa mér að taka prófið inn á bókasafni, og þó að þetta hafi nú ekki verið auðveldasta próf sem ég hef tekið þá var þetta krossapróf, þannig að líkurnar benda til þess að ég fái að minnsta kosti 2.5, sem er allt sem hann Bjartur á skilið að nokkur fái fyrir að lesa um sig, þessi leiðindaskarfur og barnaníðingur sem hann er.
Eftir íslenskutímann gerði ég tilraun til að gefa blóð en ég mátti það ekki því að ég hef látið gata á mér naflann fyrir svo stuttu síðan. Konan útskýrði þetta sem smithættu. Nú sé ég fyrir mér fólk sem fær blóð úr mér alltíeinu fá svona holu í naflann. Þetta gæti svosem talist sem óheppni, en sannleikurinn er sá að ég hálffegin yfir því að hafa ekki þurft að fara - Björg sagði að sprautan væri óhugnalega stór.
Sálfræðitíminn hjá Hafdísi var alls ekki slæmur, smá 7 ára bekkjar fílíngur þar sem að hún las upp úr bókinni, og svo nemendurnir líka. Enginn púaði mig niður þegar ég las, og ég þurfti heldur ekki að lesa texta með neitt sérlega flóknum orðum, svo að mismæli voru fá.
Það var búið að stytta upp þegar tímanum lauk, svo að ferðin úr sálfræðitímanum upp í uppsali var yndisleg, smá vindur og örlítið kalt - svona veður sem mann langar til að hlaupa í. Í tilefni að því hljóp ég niður í N1, þar sem Björg og Una voru, nýblóðsognar báðar tvær, og Björg þar að auki
pirruð. Þetta hefði verið ógn og skelfing, en Björg var næstum ekkert pirruð út í mig, og þar að auki er hún fyndin þegar hún er pirruð. Þar að auki er það heppni að hún var ekki morðóð, því að ég er viss um að hefði hún verið það hefði ég orðið fórnarlambið.
Ég, hún og Anna náðum svo að ljúka við góðan hluta af verkefninu áður en við Anna héldum upp í Apple umboðið (og lentum ekki í neinskonar slysi á leiðinni) þar sem að við náðum að sannfæra starfsmann verkstæðisins um að við værum geðveikar, og hann náði að sannfæra mig um að það væri í fínu lagi með Kisa.
Stórundarlegt, þar sem að þessi sami maður sagði að Kisi væri með bilun í harða drifinu þegar ég fór þangað með hann fyrir tvem vikum.
Honum hefur sennilega batnað. Ég losnaði við að bíða dögum saman eftir viðgerð á Kisa.
Eftir þetta fór ég og skúraði, við undirleik tölvunnar, og að lokum lá leið mín heim á við, þar sem ég fann spaghetti inní skáp, reiðubúið til eldunar.
mmmmmmm spaghetti....ég er óendanlega heppin,